Успешно заврши Студентскиот форум организиран од Форумот за Образовни Промени. На овој настан, со присуство на повеќе од 100 студенти и млади луѓе од целиот регион, беа донесени историски одлуки за студентите.
Амбасадорот на ЕУ во Скопје, Дејвид Гир и амбасадорката на САД, Ангела Прајс Агелер го отворија Студентскиот форум. Тие рекоа дека тоа е историски настан, ги повикаа студентите „да се залагаат за своите права“, повикувајќи се на официјалното мото на Форумот.
- Целосните говори погледнете ги со клик ТУКА .
Рон Ѓиновци од Косово, Миген Ќираџи од Албанија, Лазар Беговиќ од Србија и Антонио Стоичков од Бугарија беа првите панелисти на Студентскиот форум. Зборуваа за студентскиот активизам и образовниот систем во регионот. Тие го истакнаа значењето на соработката меѓу студентите.
Во овој разговор беа вклучени и студентите учесници со прашања и коментари. Погледнете го целиот панел со кликнување ТУКА .
На ЛЕД екранот беше прикажано видео за борбите на студентите во Северна Македонија за слободни и демократски избори на Универзитетски Студентски Собранија. Панелистите Савче Ѓошева, Стефан Младеноски, Борјан Ефтимов и Шевал Зиза зборуваа за ова видео и за еволуцијата на студентскиот активизам кај нас.
- Погледнете го целиот панел со кликнување ТУКА .
После тоа учениците имаа можност да се забавуваат и да креираат видео за „360 фото кабина“.
Корупцијата во високото образование беше тема на последниот панел на Студентскиот форум. На оваа тема зборуваа Блажен Малески, Деница Чадиковска и Грамос Бучница. Сите се согласија дека оваа појава е присутна на нашите универзитети, ги охрабрија студентите да пријават корупција до надлежните институции.
- Погледнете го целиот панел со кликнување ТУКА .
Викторија Постоловска од Форумот за Образовни Промени ја претстави Повелбата за студентски права која има за цел да ги зголеми студентските права во Законот за Високо Образование.
- Целосната презентација следете ја со кликнување ТУКА .
Бленди Ходаи од Форумот за Образовни Промени го претстави Националното Студентско Тело, истакна дека ова е првпат сите студентски собранија да ги здружат силите за полесно да ги добијат битките за студентските права.
- Целосната презентација следете ја со кликнување ТУКА .
На крајот со студентите се разговараше што (не) треба да биде вклучено во Студентската Резолуција. Бленди Ходаи го зеде мислењето на мнозинството присутни во врска со ова и потоа сите едногласно гласаа ЗА резолуцијата.
Со 3 панели за дискусија поврзани со многу важни теми, презентација на Повелбата за Студентски Права, создавање на Национално Студентско Тело и одобрување на Студентската Резолуција со гласовите на повеќе од 100 студенти присутни во салата, Студентскиот форум беше успешно финализиран.
